“TVSH do të ulet në 15%”, Berisha prezanton pikat e programit ekonomik të PD

Kryetari i Partisë Demokratike, Sali Berisha, ka paraqitur disa pika të programit të ri të Partisë Demokratike. Sipas tij, plani i shtruar do të ofrojë një seri ndryshimesh në politikat fiskale dhe taksat që ndikojnë në ndërtim.

Gjatë një deklarate për mediat, Berisha ka theksuar se pikat e programit synojnë të ndihmojë qytetarët duke ulur çmimet e karburanteve dhe energjisë për bizneset.

“Kodi fiskal do të miratohet për një periudhë 4-vjeçare dhe do të mund të ndryshohet vetëm për lehtësimin e kushteve për biznesin, jo për rritjen e taksave. Taksa e sheshtë do të vendoset në 10% për të ardhurat nga puna dhe kapitali, me përjashtim të 50 mijë lekëve të para. Zero taksim për profesionet e lira dhe biznesin e vogël, ndërsa tavani për përjashtimin nga TVSH do të jetë 18 milionë lekë xhiro vjetore.

TVSH do të ulet në 15%, duke hequr ndalimin e taksës 20% që ka qenë më parë.

Taksa 3% mbi strehimin social dhe tarifa 1% mbi lejen e zhvillimit do të shfuqizohen, ndërsa tarifa e rivlerësimit të pronës do të ulet nga 5% në 1%”, tha kreu i PD.

Berisha ka theksuar se këto ndryshime do të ndihmojnë në uljen e çmimeve të banesave dhe qirave, të cilat janë aktualisht shumë të larta për qytetarët shqiptarë.  Ai e konsideron këtë një hap të rëndësishëm për nxitjen e zhvillimit të sektorit të ndërtimit dhe për të krijuar mundësi më të mira për qytetarët në aksesin ndaj strehimit.

LEXONI GJITHASHTU:

• VIDEO| Uzuni shënon golin e parë me skuadrën e Austin në MLS
• Pjesë e grupit që kryente vrasje me pagesë, GJKKO lë në burg Edison Mucekun