Konflikt midis Vangjush Dakos dhe Ferdinand Xhaferajt pas numërimit të kutisë së fundit në Durrës

Një konflikt ka ndodhur në KZAZ-në nr. 2e në Durrës, ku janë konfliktuar ish kryebashkiaku i Durrësit Vagjush Dako dhe Ferdinand Xhaferaj nga Partia Demokratike.

Mësohet se konflikti ka nisur menjëherë pasi ka përfunduar numërimi i kutisë së fundit të votave në atë KZAZ, që ishte edhe e fundit në qarkun e Durrësit.

Gazetarja e Euronews Albania raportoi se konflikti është ndezur atëherë kur Vangjush Dako ka ngritur dorën drejt z. Xhaferaj në formë të një përshëndetjeje “ironike” sipas z. Xhaferaj. Ky i fundit i ka kujtuar z. Dako se është person “non grata” në SHBA.

Kjo ka mjaftuar që situata të tensionet dhe të përfundoje në sherr me shishe ku janë përfshirë edhe mbështetësit e tyre.

Mirëpo shumë shpejt situata është qetësuar dhe dy politikanët janë larguar nga konflikti, ndërsa nuk ka qenë e nevojshme të ndërhyjë policia.