EMRAT/ Plagoset me thikë 41-vjeçari në Qerret, autori në kërkim

Një 41-vjeçar është plagosur me thikë në Qerret pasditen e kësaj të mërkure.

I plagosuri, Haxhi Shehu, është dërguar me urgjencë në spitalin e Durrësit, ndërsa sipas informacioneve paraprake nga grupi hetimor, 41-vjeçari dyshohet të jetë goditur gjatë një konflikti, ndërsa mësohet se ka qenë i përfshirë edhe më herët në situata problematike.

Shehu është futur menjëherë në sallën e operacionit në Spitalin e Durrësit ndërsa autori i dyshuar i plagosjes, Egzon Sinani, është shpallur në kërkim.

Njoftimi i policisë

“Rreth orës 16:50, në fshatin Qerret, dyshohet se gjatë një konflikti për motive të dobëta, shtetasi E. S. ka plagosur me mjet prerës (thikë) shtetasin H. Sh., 41 vjeç, i cili ndodhet në spital, nën kujdesin e mjekëve, jashtë rrezikut për jetën.

Shërbimet e Policisë po punojnë intensivisht për kapjen e autorit ndërsa grupi hetimor, në drejtimin e Prokurorisë, vijon punën për zbardhjen e rrethanave të ngjarjes”, njofton policia.