Konsensusi mes palëve, reagon Rama: Shqipëria s’ka më pikëpyetje për negociatat

Kryeministri i vendit, Edi Rama, ka reaguar pas marrëveshjes që palët arritën për reformën zgjedhore, konkretisht për administrimin zgjedhor dhe për identifikimin biometrik të votuesve. Me një shënim në “Twitter”, shefi i qeverisë shprehet se pas tre vitesh e tre netësh ngujimi, opozita më në fund solli fjalën e fundit.

Shefi i qeverisë shqiptare thekson se rëndësi ka që opozita e bashkuar do të hyjë në zgjedhje me Kodin Zgjedhor siç e deshën vetë. Hapi i sotëm dhe konsensusi i treguar mes palëve  tha kryeministri ka eliminuar pikëpyetjet në prag të nisjes zyrtare të negociatave me Bashkimin Europian. 

“Pas 3 vjetësh marshim e 3 netësh ngujim na sollën fjalën e fundit: “Mirë e kishim ashtu siç e kishim “Po mirë, unë kam menduar e mendoj që ka edhe më mirë, po meqë LBPD janë të kënaqur me kaq për zgjedhjet e ardhshme, bujrum, si ta duan ata.

Rëndësi ka që:LBPD do hyjë në zgjedhje me Kodin Zgjedhor siç e deshën vetë. ODHIR është dakord që kjo nuk e cënon lirinë e zgjedhjeve. BE është e kënaqur, Shqipëria s’ka më pikëpyetje në prag të vendimit për datën e nisjes zyrtare të negociatve. Ah po, mbaroi edhe revolucioni”, shkruan Rama.