Në Mal të Zi, një polic dhe tre persona të tjerë, shtetas të Malit të Zi, janë arrestuar mëngjesin e sotëm për kontrabandë të 2563 kilogramëve kokainë, njoftoi Prokuroria Speciale e Shtetit.
“Nga provat e mbledhura nga Prokuroria Speciale e Shtetit, në bashkëpunim me Departamentin e Posaçëm të Policisë, dhe me ndihmën e Agjencisë Kombëtare të Krimit të Mbretërisë së Bashkuar (NCA) dhe Agjencisë së Bashkimit Evropian me bashkëpunimin e autoriteteve ligjzbatuese – EUROPOL, rezulton se këta persona gjatë viteve 2020 dhe 2021 janë anëtarësuar në një organizatë kriminale të krijuar me qëllim të kontrabandës së lëndëve narkotike dhe në disa raste, Duke vepruar si pjesë e një organizate kriminale, ata kontrabanduan gjithsej 2563 kg kokainë dhe 59 kg metamfetaminë, me anije nga Amerika e Jugut në Evropë dhe nga Evropa në Australi”, tha prokurori i shtetit dhe zëdhënësi i SDT-së, Vukas Radonjiç.
Po vijojnë kontrollet në banesat dhe ambientet e tjera të të arrestuarve, në disa lokacione, për të gjetur prova të tjera dhe gjurmë të veprave penale.
LEXONI GJITHASHTU:
- Mali i Zi liron dy të dyshuar për krime lufte në Kosovë
- Nis regjistrimi i popullsisë në Mal të Zi, rreziku nga gjuha serbe
