Kontrollet për sigurinë ushqimore, tregtarët nisin të mbajnë fatura

Kontrollet në tregje për sigurisë ushqimore janë shtuar gjatë verës nga Administrata Tatimore dhe Ministria e Bujqësisë.

Pas thirrjes për faturim të mallit, vetëm në tregun agro-ushqimor të Tiranës, është konstatuar rritje me 60% e faturimit të deklaruar, me të dhënat që raporton Drejtoria e Tatimeve.

Aksioni për formalizimin e tregut të produkteve bujqësore dhe blegtorale nisi në fillim të muajit korrik, si pjesë e përpjekjeve të për të siguruar gjurmimin e produkteve, nga fermerët që duhet të jenë të pajisur me NIPT dhe lëshimi i faturave në çdo hallkë të zinxhirit tregtar.

Vetë Drejtoria e Tatimeve ka sqaruar se të gjithë njësit tregtare që blejnë mallra nga prodhuesit vendas, duhet të shoqërohen me faturë të fiskalizuar. Në skemën e prezantuar, tatimet kanë sqaruar se tregtarët ambulantë nuk kanë asnjë detyrim për të lëshuar faturë dhe për të mbajtur dokumentacion tatimor.

Siguria ushqimore është një prej elementeve thelbësorë që duhet të garantohet  për anëtarësimin e Shqipërisë në Bashkimin Europian.

LEXONI GJITHASHTU:

• Kuajt qëllohen me armë zjarri, Shoqata Gjuetarëve dënon aktin e rëndë: Ç’njerëzore!
• Gjermania e ndal furnizimin e Izraelit me armë që mund të përdoren në Gazë