“Koordinata” në Krujë, dy të arrestuar në flagrancë për kultivim të bimëve narkotike

Policia e Krujës ka arrestuar në flagrancë dy persona të dyshuar për kultivim bimësh narkotike në fshatrat Krastë dhe Brret, në kuadër të planit operativ anticannabis të koduar “Koordinata”.

Sipas njoftim të policisë, në vijim të kontrolleve sistematike dhe atyre të bazuara në informacionet e siguruara në rrugë operative u goditën dy raste të kultivimit të bimëve narkotike.

• U arrestua në flagrancë shtetasi Xh. I., 67 vjeç, pasi kishte kultivuar bimë narkotike në fshatin Krastë;
• U arrestua në flagrancë shtetasi A. K., 62 vjeç, pasi kishte kultivuar bimë narkotike në fshatin Brret.

Policia thotë se një pjesë e vogël e bimëve u sekuestrua si provë materiale, ndërsa pjesa tjetër u asgjësua nëpërmjet djegies.

Materialet procedurale iu referuan Prokurorisë së Tiranës për veprime të mëtejshme, ndërsa kontrollet kundër kësaj veprimtarie kriminale vazhdojnë.

LEXONI GJITHASHTU:

• I dënuar në SHBA për përdhunim, arrestohet me kallashnikov në makinë 44-vjeçari
• VIDEO/ Parkimet e gabuara, procedohen penalisht 24 drejtues mjetesh në kryeqytet