Korçari në Finlandë: Jap kurs 20-ditor për të gjithë emigrantët shqipfolës

Nestor Furrxhi, i ftuar në emisionin GoodMorning Albania në Euronews, tregoi eksperiencën e tij si mësues i gjuhës shqipe në Finlandë.

Ai tha se mësimi i gjuhës finlandeze emigrantëve është një projekt i cili lehtëson përshtatjen e tyre.

Ai shtoi se komuniteti i Shqiptar në Finlandë është rreth 17 mijë persona.

“Ky model është në të gjitha vendet nordike, është një kurs 20 ditor që quhet ‘Orientimi Qytetar’ dhe ka si synim të japi të dhënat bazë si funksionon kjo shoqëri dhe këto të dhëna duhet ti jap në gjuhën e emigrantit, sepse mendohet që kur vijnë në një vend të ri nuk dinë gjuhen e shtetit që kanë shkuar. Nuk ka vetëm për shqiptarët ka dhe për komunitete të tjera. Komuniteti Shqiptar në Finlandë është i konsiderueshëm dhe janë rreth 17 mijë shqipfolës”, tha Furrxhi

Furrxhi gjithashtu tha se ka dallime të mëdha kulturore midis dy vendeve.

“Ndryshime kulturore ka, finlandezët janë më të rezervuar, kërkojnë hapësirën e tyre personale, ndërkohë ne jemi më socialë, ndërsa këtu është një shoqëri individualiste. Ne kemi lidhjet e forta familjare dhe kemi kulturën komunitare. Madje COVID i ka ftohur më shumë finlandezët”, tha ai.