Koreja e Jugut paralajmëron: Do përgjigjemi nëse Pheniani vijon testet bërthamore

Presidenti i Koresë së Jugut, Yoon Suk-yeol paralajmëroi për një përgjigje të përbashkët të paprecedentë me aleatët nëse Koreja e Veriut vijon testet bërthamore.

Ai i kërkoi Kinës që të ndihmojë në largimin e Veriut nga ndjekja e zhvillimit të ndaluar të armëve bërthamore dhe raketave, shkruan Reuters.

Yoon i bëri thirrje Kinës, aleatit më të ngushtë të Koresë së Veriut, që të përmbushë përgjegjësitë e saj si një anëtare e përhershme e Këshillit të Sigurimit të OKB-së. Presidenti u shpreh se mosbërja e kësaj do të çonte në një shtim të aseteve ushtarake në rajon.

“Ajo që është e sigurt, është se Kina ka aftësinë të ndikojë në Korenë e Veriut dhe Kina ka përgjegjësinë për t’u përfshirë në proces I takonte Pekinit të vendoste nëse do ta ushtronte atë ndikim për paqen dhe stabilitetin”, theksoi ai.

Udhëheqësi i Koresë së Veriut Kim Jong Un tha këtë javë se vendi i tij synon të ketë forcën bërthamore më të fuqishme në botë.

Zyrtarët e Koresë së Jugut dhe të SHBA-së thonë se Pheniani mund të përgatitet të rifillojë testimin e armëve bërthamore për herë të parë që nga viti 2017.

LEXONI GJITHASHTU

• Koreja e Veriut zotohet të prodhojë më shumë armë bërthamore
• Koreja Veriore lëshon raketë pasi paralajmëroi përgjigje të ashpër ndaj SHBA-së
• Koreja e Jugut i shet armë SHBA-së për Ukrainën