Koreja e Jugut shkëmben të shtëna paralajmëruese me Veriun

Koreja e Jugut dhe ajo e Veriut kanë shkëmbyer të shtëna paralajmëruese në brigjet e tyre perëndimore, duke akuzuar njëra-tjetrën për shkeljen e kufirit të tyre detar mes tensioneve të rritura lidhur me testet e armëve nga ana e Phenianit.

Shefi i Shtabit të Përgjithshëm të Koresë së Jugut, tha se më 24 tetor ka kryer të shtëna paralajmëruese drejt një anijeje të Koresë së Veriut, e cila kaloi kufirin de fakto detar të shtetit duke shtyrë Veriun që të veprojë njësoj, shkruan Al Jazeera.

Ushtria e Koresë së Veriut gjuajti 10 të shtëna paralajmëruese artilerie drejt ujërave të saj territoriale, ku “u zbulua lëvizja e armikut detar”.

Sipas Phenianit, një anije detare e Koresë së Jugut kaloi në ujërat e Koresë së Veriut me pretekstin e goditjes së një anijeje të paidentifikuar.

Shkëmbimi i të shtënave paralajmëruese erdhi pasi Koreja e Veriut ka kryer gjatë këtij viti testime të raketave, përfshirë edhe një raketë me rreze të gjatë veprimi, që ka fluturuar mbi Japoni.

LEXONI GJITHASHTU

• Koreja e Veriut lëshon raketë balistike me rreze të shkurtër veprimi
• Koreja e Veriut lëshon dy raketa balistike
• Koreja e Veriut konfirmon përgatitjet për sulm bërthamor – çfarë dihet deri tani?