Koreja e Veriut paralajmëron rrezikun e një NATO-je aziatike

Koreja e Veriut ka kritikuar një marrëveshje midis Shteteve të Bashkuara, Koresë së Jugut dhe Japonisë për të forcuar bashkëpunimin ushtarak, duke pretenduar se është pjesë e një plani të SHBA për të krijuar një aleancë ushtarake si NATO në rajon.

“Realiteti tregon qartë se qëllimi i vërtetë i përhapjes së thashethemeve nga SHBA-të për një ‘kërcënim nga Koreja e Veriut’ është të sigurojë një justifikim për arritjen e supremacisë ushtarake mbi rajonin Azi-Paqësor”, tha zëdhënësi i Ministrisë së Jashtme të Koresë së Veriut.

Presidenti i SHBA Joe Biden, kryeministri japonez Fumio Kishida dhe presidenti i Koresë së Jugut Yoon Suk-yeol u takuan në samitin e NATO-s javën shkuar dhe ranë dakord se përparimi i programeve bërthamore dhe raketore të Koresë së Veriut përbën kërcënim serioz jo vetëm për gadishullin korean, por gjithashtu Azinë Lindore dhe botën.

Koreja e Veriut këtë vit ka kryer teste raketore me një ritëm të paprecedentë dhe besohet nga disa se po përgatitet për një tjetër provë bërthamore.

LEXONI GJITHASHTU:

• Koreja e Veriut lëshon një raketë balistike, raporton Jugu
• Koreja e Veriut mund të rifillojë testet bërthamore, paralajmërimi për SHBA-në