Korreshi: Mbështes kandidatin e Berishës, por votoj këshillin e PD-së

Deputeti i Partisë Demokratike Saimir Korreshi tha për Euronews Albania se në këto zgjedhje vendore, ai ka mbështetur gjatë fushatës kandidatët e dalë nga primaret, pra kandidatët e koalicionit “Bashkë fitojmë”.

“Kam mbështetur kandidatët e “Bashkë Fitojmë” në Divjake dhe në Lushnje. Me thënë të drejtën ka një atmosferë të jashtëzakonshme në Divjakë dhe në Lushnjë. Në Divjakë është bërë një bashkim i të dy krahëve shumë më herët dhe kanë funksionuar si parti e vetme.

Edhe në Lushnjë prej 3-4 muajsh i kam dhënë mbështetje kandidatit. Me thënë të drejtën njerëzit mezi po presin të votojmë, shpresojmë të dërgojmë masivisht njerëz ditën e diel. Shikojmë se Lushnja dhe Divjaka kanë nevojë për ndryshim”,-tha deputeti Korreshi.

“Unë nuk do lëviz nga Partia Demokratike kushdo të jetë kryetari i saj, do vazhdoj të jem në të njëjtën sigël”,-tha deputeti  Saimir Korreshi duke theksuar se ai vetë do votojë kandidatin e dalë nga primaret për kryebashkiak, ndërsa për këshillin bashkiak do votojë numrin 9, pra partinë demokratike.

LEXONI GJITHASHTU:

• Frontex: BE-ja mund të përballet me një rekord njerëzish që duan të vijnë në Evropë 
• Astronomët zbulojnë shpërthimin më të madh kozmik të parë ndonjëherë