”Korsi preferenciale”, çfarë përmban ligji i ri për shërbimin spitalor

19 Shkurt 2023 | 14:02

Ligji i ri për shërbimin spitalor ka përfshirë për herë të parë “korsinë preferenciale të shërbimit “ e cila do t’ju japë mundësi atyre që nuk ndjekin sistemin e referimit të paguajnë tarifën dhe të marrin një shërbim më të shpejt spitalor.

Pikërisht ky nen ka ngritur në alarm shoqatat që janë në mbrojtje të shtresave në nevojë.

Në një intervistë për Euronews Albania, juristi Gentjan Seriani, përfaqësues i Shoqatës “Drejtësi Sociale”, thotë se ky ligj mund të përkeqësojë situatën e trajtimit të pabarabartë të njerëzve të varfër në Shqipëri.

“Një zonjë e cila vuante nga një sëmundje dhe mori nga sistemi i referimit diagnozën dhe donte të bënte një analizë, shkoi në ambulancën qendrore në Elbasan dhe iu tha që ju nuk mund ta bëni analizën këtë muaj duhet të prisni muajin tjetër, pasi numri i analizave nga ana e firmës koncensionare ka mbaruar.

Imagjinoni nëse në kemi përcaktuar numrin e analizave në një muaj dhe ndërkohë i japim mundësi pacientëve jashtë referimit të paguajnë dhe të marrin shërbim më të shpejtë, a do të lëmë mënjanë ata që do të vijnë nëpërmjet sistemit të referimit dhe nuk kanë mundësi ta paguajnë, pra ky është një nga ata probleme që në shohim se do t’i jepet përparësi për t’i dhënë shërbim shëndetësor atyre që kanë mundësi për ta paguar”, theksoi ai.

Praktikat dyfishe të mjekëve është një tjetër nen që ngre pikëpyetje.

“Mjekët kanë të përcaktuar numrin e vizitave ditore, a mundet që ky përcktim i vizitave ditore do t’ju japë mundësi atyre që kanë mundësi ta paguajnë dhe do të lënë mënjanë ata që nuk kanë mundësi ta paguajnë”, u shpreh Serjani.

Serjani pohon se do të jenë më aktiv në monitorimin e këtij ligji e nëse do të vërehet se do të ketë trajtim të pabarabartë të të varfërve, do t’i drejtohen Gjykatës Kushtetuese për të kërkuar shfuqizimin e nenit 23 që përcakton dhënien e shërbimit me korsi preferenciale.

LEXONI GJITHASHTU

Home Kryefaqja
Shiko në: YouTube
Lajme të Sugjeruara

Ndërtimi në Zvërnec, Rama zbulon arkitektin: Artist i madh i natyrës. Prezantoi në Tiranë vizionin e tij

Kryeministri Edi Rama përmes një postimi në “Facebook” ka zbuliar arkitektin i cili është kontaktuar lidhur me ndërtimin në Zvërnec. Rama shkruan se arkiteti Dong...
16:48 | 04/06/2026

Vrasja e policit në Maliq, Hita: Nuk kam pasur dijeni për operacionin, do kishim marrë masa më të forta

Drejtori i Përgjithshëm i Policisë së Shtetit, Skënder Hita në një deklaratë për mediat nga Korça ka folur lidhur me ngjarjen e rëndë ku humbi...
16:22 | 04/06/2026

I biri vrau një polic dhe plagosi një tjetër, merret në pyetje nga autoritetet nëna e Violand Braçellarit

Nëna e autorit të vrasjes së policit Enea Mekolli dhe plagosjes së policit Edison Adri është shoqëruar nga forcat e policisë në ambjentet e drejtorisë...
15:39 | 04/06/2026