Rrëzohet në banesë në gjendje të dehur, humb jetën 50-vjeçari në Korçë

Një 50-vjeçar ka humbur jetën në Korçë pasi është rrëzuar në banesë teksa ishte në gjendje të dehur.

Policia tha se shtetasi H. B., rreth 50 vjeç, banues në fshatin Zvezdë, Maliq ka ndërruar jetë pasditen e së premtes kur po transportohej me ambulancë drejt spitalit të Korçës.

Nga të dhënat e para dhe dëshmitë e marra familjarëve të tij, dyshohet se ky shtetas duke qenë në gjendje të dehur, është rrëzuar në banesën e tij dhe për pasojë ka marrë dëmtime në kokë.

Grupi hetimor po punon për sqarimin e rrethanave të ngjarjes dhe përcaktimin e shkaqeve të vdekjes.