Kosova dhe Serbia dakordësohen për zbatimin e marrëveshjes për personat e zhdukur

Ka përfunduar takimi trepalësh në Bruksel mes kryenegociatorëve të Kosovës dhe Serbisë, Besnik Bislimi dhe Petar Petkoviq, nën ndërmjetësimin e BE-së.

Palët u dakordësuan për zbatimin e marrëveshjes për personat e zhdukur, duke hapur rrugën për mbledhjen e parë të Komisionit të Përbashkët muajin e ardhshëm.

Bislimi konfirmoi se Serbia nuk do të pengojë më punën e komisionit, ndërsa Petkoviq e cilësoi këtë si hapin përfundimtar për zbatimin e deklaratës. Komisioni i udhëhequr nga BE-ja do të mbikëqyrë procesin dhe zbatimin e marrëveshjes, duke adresuar pengesat e mëparshme.

Deklarata për Personat e Zhdukur, e miratuar në maj, kërkon qasje të plotë në dokumentet e lidhura me këtë çështje. BE-ja ripërsëriti thirrjen për Kosovën dhe Serbinë që të zbatojnë të gjitha angazhimet e dialogut për normalizimin e marrëdhënieve.

LEXONI GJITHASHTU:

• Drafti i BE për dialogun: Kosova dhe Serbia duhet të zbatojnë marrëveshjet
• Sarrazin: Nevojiten kompromise të vështira nga Kosova dhe Serbia drejt BE-së