Kosova për herë të parë në COP, me ftesë të Gjermanisë 

Liburn Aliu, ministri i Mjedisit të Kosovës, ka bërë të ditur se vendi do të marrë pjesë për herë të parë në Konferencën e Kombeve të Bashkuara për Ndryshimet Klimatike, me ftesë të qeverisë gjermane.

“Për herë të parë do të marrim pjesë në Konferencën e Kombeve të Bashkuara për Ndryshimet Klimatike. Me ftesë të qeverisë gjermane dhe ministres së Punëve të Jashtme të Gjermanisë, Anna Berbock, do të marrim pjesë në Konferencën e Anëtarëve (COP27), ku do të mbajmë takime dypalëshe lidhur me mundësitë e financimit të përshtatjes ndaj ndryshimeve klimatike dhe zbatimin e Marrëveshjes së Parisit”, ka shkruar Aliu në Facebook.

Sipas tij, qëllimi përfundimtar i pjesëmarrjes është që Kosova të bëhet anëtare e Konventës së Kombeve të Bashkuara për Ndryshimet Klimatike.

Konferenca e Kombeve të Bashkuara për Ndryshimet Klimatike COP27 po mbahet nga 6 deri më 18 nëntor në Sharm el-Sheikh të Egjiptit.

LEXONI GJITHASHTU:

• Spanja u refuzon vizat boksierëve kosovarë, s’mund të jenë në Kampionatin Botëror
• 72-vjeçarja kalon 17 vende me biçikletë, 8 mijë kilometra për një mesazh me rëndësi