Kosova pjesë e takimit të parë të Bashkësisë Politike Evropiane

Bashkimi Evropian ka ftuar sot liderët e 27 vendeve anëtare të Bashkimit Evropian dhe 17 vendeve të tjera evropiane, në takimin e parë të Bashkësisë Politike Evropiane i cili do të mbahet në Pragë.

Ftesat për takim u nënshkruan nga presidenti i Këshillit Evropian, Charles Michel dhe kryeministri çek, Petr Fiala.

Krerët e shteteve nga 27 vendet anëtare të BE-së dhe 17 vendet evropiane – Turqia, Britania e Madhe, Ukraina, Azerbajxhani, Armenia, Serbia, Bosnje-Hercegovina, Mali i Zi, Kosova, Shqipëria, Maqedonia e Veriut, Norvegjia, Zvicra, Islanda, Lihtenshtejni, Moldavia dhe Gjeorgjia – janë të ftuar të marrin pjesë.

”Bashkësia Politike Evropiane është një platformë për koordinimin politik për vendet evropiane në të gjithë kontinentin, duke synuar të bashkojë liderët nga vendet evropiane në baza të barabarta dhe në një frymë uniteti, një ose dy herë në vit”, tha zyrtari, i cili nuk pranoi të identifikohej.

Të gjithë udhëheqësit do të marrin pjesë në një sesion hapjeje, dhe në darkën përmbyllëse do të mbajnë bisedime dypalëshe dhe do të marrin pjesë në grupe më të vogla në diskutime dhe tryeza të rrumbullakëta mbi tema të ndryshme si stabiliteti, energjia, klima, lëvizshmëria dhe ekonomia, shkruan KosovaPress.

LEXONI GJITHASHTU:

• Petkoviç thirrje ndërkombëtarëve: Mbroni serbët në Kosovë
• Greva e mësuesve në Kosovë, Ymeri: Duam të ekzekutohen pagat, jo paradhënie
• Këshilli i Evropës: Çështja e Kosovës është konfidenciale