“Kosova po përsërit sjelljet e Serbisë”, Goxhaj: Gabimi fatal që po bën Albin Kurti

Ish-luftëtari i UÇK-së Dritan Goxhaj tha në “Now me Erla Mëhillin se qeveria e Kosovës nuk mund të përsërisë të njëjtat gabime që ka bërë armiku, duke mbyllur kopshte dhe çerdhe.

Ai tha gjithashtu se ndalimi i dinarit jo domosdoshmërish do të çonte në mos financimin e strukturave paralele të Serbisë në Kosovë, pasi sipas tij, do të gjendet një mënyrë financimi fshehurazi e ata prap nuk do i kalojnë paratë nëpërmjet bankës.

“Janë mbyllur kopshte dhe çerdhe, mbyllja e tyre është një problem tjetër politik i madh. Kjo na kthen në vitin 1990 kur Serbia mbyllte kopshtet çerdhet dhe shkollat e shqiptarëve në Kosovë dhe shqiptarët u detyruan të organizonin qeveri paralele dhe shtet paralel. Nuk mund t’i mbyllësh.

Nëse ne bëjmë të njëjtin gabim që serbët bën ndaj shqiptarëve, ne i japim dorë dhe mundësi politike serbëve që të justifikohen në Evropë e në Këshillin e sigurimit që ja shqiptarët po bëjnë spastrim etnik të krahasuar me atë që bënte Milloshi në ’90 në Kosovë.

Të kopjosh gabimet e armikut ose është e qëllimshme ose është injorancë. Këtë duhet ta ndajë qeveria e Kosovës tashmë. Nuk mund të bëhet ky gabim”,-tha Dritan Goxhaj.