Ministri i Jashtëm, Igli Hasani, ka uruar Kosovën pas miratimit të raportit nga Komiteti Politik i Asamblesë Parlamentare të Këshillit të Evropës, për t’u bërë pjesë e këtij institucioni.

Përmes një postimi në rrjetin social “X”, Hasani shkruan se ky është një hap i rëndësishëm dhe vjen si rrjedhojë e angazhimit të vazhdueshëm të Kosovës në vlerat e demokracisë, të drejtat e njeriut dhe sundimit të ligjit.

Hasani shtoi se është në pritje të përfundimit të procesit të anëtarësimit të Kosovës në Këshillin e Europës.

Ministri Igli Hasani në platformën “X”:

Urime Kosovës për ftesën që ju bë nga Komiteti Politik i Asamblesë Parlamentare të Këshillit të Evropës për t’u bërë pjesë e Këshillit të Evropës.

Ky hap i rëndësishëm vjen si rrjedhojë e angazhimit të vazhdueshëm të Kosovës në vlerat e demokracisë, të drejtat e njeriut dhe sundimin e ligjit.

Mbetemi në pritje që gjatë Sesionit të Prillit të Asamblesë Parlamentare të hapë rrugën për përfundimin e procesit të anëtarësimit të Kosovës në Këshillin e Evropës.

LEXONI GJITHASHTU:

• Miratohet raporti për anëtarësimin e Kosovës në Këshillin e Europës
• Miratohet raporti për anëtarësimin e Kosovës në Këshillin e Europës