Kosova sfidon Suedinë në transfertë, objektivi: Play-off për Botërorin

Pas barazimit pa gola me Slloveninë në shtëpi, Kosova zbret mbrëmjen e kësaj të hëne në fushë përballë Suedisë, në një sfidë të rëndësishme në transfertë.

Dardanët besojnë se mund të marrin një tjetër rezultat pozitiv në kuadër të kualifikueseve për Kupën e Botës.

Kosova synon të ruajë vendin e dytë në grup, pozicion që siguron pjesëmarrjen në fazën play-off. Nën drejtimin e trajnerit Franco Foda, Kosova ka përpara një përballje të vështirë, ndaj një kundërshtari që e ka mposhtur më parë në shtëpi, por që në Goteborg pritet të jetë më i fortë.

Aktualisht, Kosova renditet e dyta me 4 pikë, ndërsa Suedia ndodhet në fund të grupit me vetëm 1 pikë pas tre ndeshjesh.

Me ekipet e ngjeshura në renditje, çdo pikë mund të jetë vendimtare për ecurinë në këtë fazë.

Në të njëjtën mbrëmje do të luhen edhe përballje të tjera të rëndësishme: Gjermania përballet me Irlandën e Veriut në një ndeshje që mund të cilësohet si duel direkt, ndërsa Franca përballet me Islandën.

Belgjika, nga ana tjetër, ka vështirësi për të marrë kreun e grupit, pasi Maqedonia e Veriut është shfaqur një kundërshtar i fortë dhe i papërshtatshëm.

Nëse Belgjika humbet sonte, Uellsi ka mundësinë të ngjitet në vendin e dytë, duke ndryshuar ndjeshëm ecurinë e grupit.

LEXONI GJITHASHTU:

• Kosova mban gjallë shpresat për “Botërorin”, barazon me Slloveninë në “Fadil Vokrri”
• Barazim 0:0 në pjesën e parë mes Kosovës dhe Sllovenisë