Kosovë| DnV raporton për disa probleme gjatë procesit të votimit

Koalicioni “Demokracia në Veprim” (DnV) ka raportuar disa probleme gjatë procesit të votimit në zgjedhjet parlamentare.

Eugen Cakolli nga DnV theksoi se ngjyra matrikuluese po fshihet lehtësisht nga gishtërit e votuesve, çka mund të krijojë mundësinë për votim të dyfishtë dhe të dëmtojë besimin në procesin zgjedhor.

DnV ka ngritur shqetësime të tjera, përfshirë mosgjetjen e emrave në listat e votuesve dhe mundësinë e fotografimit të votës në disa vendvotime. Po ashtu, Cakolli kritikon vendosjen e kabinave të votimit, ku janë hasur raste kur ato janë vendosur përballë njëra-tjetrës, duke shkelur privatësinë e votuesve.

DnV apelon për adresimin e këtyre problemeve për të garantuar integritetin e zgjedhjeve.

LEXONI GJITHASHTU:

• DnV: Fushata në Kosovë u karakterizua me diskurs të ashpër politik
• Lëvizja Vetëvendosje thirrje qytetarëve: Vota, fuqia juaj për forcimin e shtetit