Kosovë/ Votat e kandidatëve për kryetarë që fituan zgjedhjet pa balotazh

Zgjedhjet lokale në Kosovë kanë dhënë rezultate të qarta paraprake në disa prej komunave, ku disa kandidatë kanë arritur të sigurojnë fitore të padiskutueshme që në raundin e parë.

Në komunat me shumicë shqiptare, dominimi ka qenë i qartë në disa zona. Në Skenderaj, kandidati i PDK-së, Sami Lushtaku, prin me një përqindje mbresëlënëse prej 83.45%. Në Istog, Ilir Ferati nga LDK-ja udhëheq me 58.78% të votave, ndërsa Agim Aliu, gjithashtu nga PDK, ka fituar në Ferizaj me 56.47%.

Podujeva aktualisht ka si kryesues Shpejtim Bulliqin nga Lëvizja Vetëvendosje me 53.42%, ndërsa në Lipjan, Imri Ahmeti i LDK-së mban epërsinë me 51.15%. Në Deçan, Bashkim Ramosaj nga AAK rezulton fitues me 51.57%.

Në Drenas, pas numërimit të të gjitha votave, Ramiz Lladrovci ka dalë fitues me 52.31%, përkatësisht 13,140 vota. Po ashtu, Ekrem Kastrati i Nismës kryeson në Malishevë me mbi 53.50%, ndërsa Mehmet Ballazhi nga PDK e ka siguruar edhe një mandat tjetër me 56.47%.

Në Kamenicë, kandidati i LVV-së, Kadri Rahimaj, ka marrë 50.56%, kurse në Shtime, Qemajl Aliu nga e njëjta parti ka fituar me 50.52%. Në Mamushë, Abdulhadi Krasniç nga KDTP udhëheq me të njëjtën përqindje: 50.52%.

Ndërkohë, në komunat me shumicë serbe, sipas rezultateve preliminare, Lista Serbe ka fituar bindshëm në disa zona: Zoran Todiq në Leposaviq me 70.35%, Sasha Millosheviq në Novobërdë me 61.31%, dhe Ivica Tanasijeviq në Shtërpcë me 66.41%.

Fitore të thella regjistrohen edhe për Millosh Peroviqin në Zubin Potok (79.67%), Dragisha Milloviqin në Zveçan (86.66%), si dhe Novak Zhiviqin në Graçanicë me 61.88%. Tanja Antiq kryeson në Ranillug me 72.06%, Dragan Petkoviq në Partesh me 89.88%, ndërsa në Mitrovicën e Veriut, Millan Radojeviq është në avantazh me 59.67%.

LEXONI GJITHASHTU:

• Zgjedhjet në Kosovë/ 21 komuna zgjodhën kryetarët në raundin e parë, 17 në balotazh
• Zgjedhjet në Kosovë/ LVV, PDK, LDK dhe AAK zbardhen rezultatet paraprake