KQZ: Të hiqen të gjitha materialet propagandistike që s’kanë emrin e subjektit

Komisioni Qëndror i Zgjedhjeve ka urdhëruar të gjitha subjektet politike, që të heqin materialet propagandistike të cilat nuk përmbajnë shënimin “Prodhuar nën përgjegjësinë ligjore të këtij subjeki ligjor”.

Përmes një komunikate zyrtare KQZ, urdhëron Policinë e Shtetit dhe Policinë Bashkiake që të heqë menjëherë të gjitha materialet që nuk përmbajnë citimin e autorit.

“Urdhërojmë të hiqen të gjitha materialet propagandistike të kujtdo subjekti zgjedhor që nuk përmbajnë shënimin “Prodhuar nën përgjegjësinë ligjore të ….” (vijon emri i subjektit zgjedhor). Urdhërojmë Policitë Bashkiake dhe Policinë e Shtetit për t’i hequr MENJËHERË këto materiale.

Kjo vlen për të 61 bashkitë dhe për të gjitha subjektët zgjedhore.

Deri në orën 24:00, të ditës së premte, datë 05.05.2023 duhet të marrim informacion nga drejtuesit e policive bashkiake dhe të policisë së shtetit në lidhje me zbatimin e këtij vendimi”, njofton KQZ.

LEXO GJITHASHTU:

• KQZ: Posterat pa shënimin ‘prodhuar në përgjegjësinë ligjore të subjektit’ do hiqen
• KQZ ndalon postimet e ministrave, institucionet publike të mos i shpërndajnë