Krasniqi përlotet gjatë fjalimit të avokatit të Thaçit për krimet serbe në Kosovë

Në Gjykatën Speciale në Hagë po mbahet sot dita e dytë e gjykimit ndaj ish-krerëve të UÇK Hashim Thaçit, Kadri Veselit, Jakup Krasniqit dhe Rexhep Selimit.

Sot ishte radha e palës mbrojtëse të të akuzuarve për të paraqitur argumentet e tyre para Gjykatës Speciale.

Avokati mbrojtës i Hashim Thaçit, Gregory Kehoe, në fjalën e tij hyrëse tha se klienti i tij nuk ka pasur motiv që të kryejë krimet për të cilat akuzohet dhe se Thaçi nuk kishte pushtet që të parandalonte apo ndëshkonte krimet e mundshme gjatë luftës.

Në një moment teksa avokati mbrojtës  fliste për shkatërrimin që serbët i kishin shkaktuar shtabit të UÇK në fushatën e 1999, Jakup Krasniqi shihet shumë i prekur teksa fshin lotët.

Në ditën e parë të nisjes së gjykimi ndaj 4 ish-krerëve të UÇK, Krasniqi u vetëdeklarua i pafajshëm ndërsa theksoi se nuk ka asnjë lidhje me akuzat e parashtruara nga prokuroria.

LEXONI GJITHASHTU:

• Gjyqi në Hagë, Balla: Nuk ka prova për akuzat e ngritura ndaj ish-komandatëve të UÇK
• Ç’po ndodh në Hagë, eksperti: Gjykata po kërkon të përçajë komandantët e UÇK