Kremlini: Trump i kërkoi Putinit të ndalojë sulmet ndaj Kievit deri më 1 shkurt

Trump personalisht i kërkoi Putinit të ndalonte sulmet ndaj Kievit deri më 1 shkurt për të krijuar kushte të favorshme për negociata, njoftoi Kremlini të premten.

I pyetur në lidhje me kërkesën dhe përgjigjen e Rusisë, zëdhënësi i Kremlinit, Dmitry Peskov, nuk pranoi të komentojë më tej.

Ukraina ka njoftuar se do të hakmerret nëse Rusia nuk heq dorë nga sulmet ndaj infrastrukturës energjetike të vendit gjatë një periudhe temperaturash polare.

Raundi i radhës i bisedimeve trepalëshe të paqes midis Rusisë, Ukrainës dhe Shteteve të Bashkuara ishte planifikuar të zhvillohej në Abu Dhabi të dielën, megjithatë, Presidenti ukrainas Volodymyr Zelensky tha më herët të premten se data dhe/ose vendi mund të ndryshojë.

“Megjithatë, data dhe/ose vendi mund të ndryshojnë, sepse, sipas mendimit tonë, diçka po ndodh midis  Shteteve të Bashkuara  dhe  Iranit . Dhe këto zhvillime ka të ngjarë të ndikojnë në orar”, tha Zelensky.