Besimtarët katolikë në Gjirokastër kanë kremtuar Pashkët. Krahas riteve të tjera mëngjesin e së dielës në kishën katolike “Krishti mbret” u zhvillua mesha tradicionale e drejtuar nga don Enzo Zago. Besimtarët e pranishëm janë lutur për më shumë paqe dhe mirësi.

“Ne urojmë të gjithëve që të kenë një zemër të hapur për të mirën që e kemi mundësi për ta bërë në çdo ditë edhe me forcën që na jep prania e Zotit, prania e Jezusit të ringjallur ne mund të ndryshojmë pak edhe atje ku jemi ne mund të ndryshojmë për të mirë, për paqe, për pajtimin, për faljen janë të gjitha veprat e një bote që ndryshon”, tha don Enzo Zago.

Pas meshës besimtarët katolikë në Gjirokastër i kanë vazhduar ritet e Pashkës duke shkëmbyer vizita urimi dhe festuar në mjediset familjare.

LEXONI GJITHASHTU:

• Besimtarët katolikë festojnë sot Pashkët 
• Katolikët festojnë Pashkët, mesazhe për paqe nga kardinalët në Vatikan e Shqipëri