Roberto De Zerbi është ndër trajnerët më të kërkuar nga skuadrat evropiane, mes tyre edhe Bayerni që e cilëson si një opsion për zëvendësimin e Thomas Tuchel.

Italiani është pjesë e Brighton që prej vitit 2022, ndërsa po bën mjaft mirë me këtë skuadër. Pak ditë më parë u përfol për një takim të tij me drejtuesit e Bayernit të Mynihut, ku palët kishin diskutuar për një kalim të mundshëm të tij tek gjermanët.

Në lidhje me të ardhmen, 44-vjecari reagoi orët e fundit duke pohuar se ndihet i lumtur tek skuadra aktuale.

“Në këtë moment ju më pyesni shumë herë nëse do të largohem. Unë jam krenar që jam trajner i Brighton. E di që jam vërtet me fat që punoj me këta lojtarë dhe që punoj me këtë klub. Do të doja të garoja me një skuadër të plotë, por, përpiqem të luaj me lojtarët në dispozicion dhe mendoj se ata janë të mjaftueshëm. Ka kohë për të ardhmen”.

Liverpool po ashtu ishte një ndër skuadrat e cila e kishte në plan De Zerbin, por tanimë është shfaqur edhe emri i Ruben Amorim. Mbeten ende muaj deri në përfundim të sezonit, kohë kur dhe do të nisin lëvizjet e para në merkato.

LEXONI GJITHASHTU: 

• “Më shumë armë Ukrainës”, SHBA dhe BE pranojnë se trupave po u mbarojnë municionet
• Lamtumirë Ali Oseku/ Ndahet nga jeta në moshën 80 vjeçare piktori i lirisë