Kreshnik Spahiu: Arrestimi i Sali Berishës do sjellë efekt domino

Juristi Kreshnik Spahiu deklaroi se nëse kryetari i Partisë Demokratike, Sali Berisha do të arrestohet, kjo do të sjellë një efekt domino në politikën shqiptare.

Në një intervistë për Euronews Albania, Spahiu u shpreh se nëse Berisha bëhet i paprekshë, drejtësia mund të veprojë edhe mbi kryeministrin Edi Rama apo kreun e Partisë së Lirisë, Ilir Meta.

“Unë po marr të mirëqenë atë që thotë Berisha dhe demokratët, që SPAK-u kontrollohet nga Rama. Nëse SPAK-u kontrollohet nga Rama, pse Rama nuk e lejon arrestimin e Berishës, gjë të cilën e kërkojnë amerikanët? Sepse në politikë ka efekt domino. Në të gjitha rastet kur drejtësia krijon  një prakrikë gjyqësore dhe hetimore, për subjekte të cilat nuk ka pasur eksperienca të mëparshme, siç është rasti i hetimit të presidentëve apo kryeministrave, do të krijonte efektin domino, do të thyente një tabu.

Deri më sot, këto subjekte politike të pushtetit, të veshur me imunitet politik janë të paprekshëm, nëse Berisha do të bëhej i prekshëm nga drejtësia, atëherë në të ardhmen do të prekej çdokush. Mund të prekej Ilir Meta, Edi Rama, Fatos Nano, çdo subjekt i cili ka pasur këtë funksion në këto vitet e fundit të legjislacionit të ri penal”, theksoi ai.