Kreshnik Spahiu: Me Berishën në krye të opozitës, Rama e ka të sigurt pushtetin

Juristi Kreshnik Spahiu thotë se Edi Rama nuk do të largohet nga pushteti sa kohë të ketë përballë një opozitë që drejtohet nga Sali Berisha.

Në një intervistë për Euronews Albania, Spahiu u shpreh se Partia e drejtuar nga Sali Berisha mban peng opozitën dhe pluralizmit në Shqipëri.

“Sa kohë që do të jetë Berisha në opozitë,  lider i opozitës, Rama është i garantuar në pushtet se është skema politike në marrëveshja e këtyre të dyve në 2008 që shkatërron çdo iniciativë të re politike në Shqipëri. Çdokush që ëndërron apo ka objektiv largimin e pushtetit të Ramës duhet të kuptoj se Rama nuk largohet pa shkrirjen e partisë së Berishës se partia e tij mban peng opozitën dhe pluralizmin dhe nuk ka asnjë formë që të realizohet largimi i Ramës me votë, se Rama këtë opozitë të shitur, të blerë, të shkatërruar e ka plotësisht nën kontroll. Është një aktrim i plotë i tyre”, tha Spahiu.

LEXONI GJITHASHTU:

• ‘Grida Duma si Nora e Kelmendit’, Spahiu: S’mund të rrijë pas ferrave
• Spahiu: Berisha të mbajë përgjegjësi për çdo largim nga PD