Kreshnik Spahiu: Si funksionon Ndrageta dhe pse nuk i gjuajnë shqiptarët

Juristi Kreshnik Spahiu tregoi në emisionin Now në Euronews Albania se organizata mafioze Ndragheta në Gjermani ka investuar miliarda euro në biznese të ligjshme kryesisht në energjinë e rinovueshme.

Spahiu u shpreh se trafiku i drogës në Evropë i Ndragheta kap vetëm 20 për qind të aktivitetit të saj, pasi 80 për qind janë aktivitete të tjera.

Sipas Spahiut, mafia nuhat tregun dhe Shqipëria si një vend i vogël me një popullsi të vogël nuk përbën interes për mafien italiane.

“Mafia nuhat tregun më shumë se çdo biznes tjetër, a përbën Shqipëria treg për Ndraghetën? Shqipëria është vend i vogël, numri i popullsisë është më i vogël. Kjo s’do të thotë që Shqipëria nuk është e paprekshme. Janë shqiptarë që kanë kërkuar bashkëpunim me familje mafioze që mund të strehohen në Shqipëri. Shqipëria shihet si një mundësi e parajsës fiskale për të pastruar paratë e mafias, por kapaciteti këtu është shumë i kufizuar”,  tha Spahiu.

LEXONI GJITHASHTU:

• Skenë komike, Artan Hoxha flet për arrestimin e të shumëkërkuarit
• Gazetari: Shtetet ku po fshihen kriminelët më të famshëm shqiptarë