Kryekomisioneri Shtetëror i Zgjedhjeve, Ilirjan Celibashi thotë se qeveria i ka akorduar KQZ-së, një shumë prej 850 milionë lekësh për implementimin elektronik për 3 bashki në zgjedhjet lokale të 14 majit.

Në emisionin “Barometri” në Euronews Albania, Celibashi u shpreh se KQZ ka kërkuar që implementimi të kryhej në 6 bashki, por diçka e tillë nuk u mundësua.

“Ne i kemi kërkuar Kuvendit të Shqipërisë nëpërmjet qeverisë, që në këto zgjedhje, procesi i votimit dhe numërimit elektronik të hvillpohej edhe në 6 bashki të tjera. Për shkak të mungesës së buxhetit, është ofruar ky financim.

Na është vënë në dispozicion 850 milionë lekë për të implementuar projektin pilot të numërimit elektronik. Ne kemi kërkuar më shumë, por kjo ishte shuma që na u dha”, theksoi ai.