Drejtori i OSHEE, Adrian Çela shprehet se humbjet e kompanisë që drejton kanë ardhur për shkak se energjisë elektrike është blerë më shtrenjtë se sa është shitur.

Kjo tha ai ka ndodhur në vitin 2019, kur prodhimi i energjisë nga KESH ishte më i pakët se sa nevojat e vendit.

“Kjo ka shkaktuar një ndikim financiar tek OSHEE dhe e përballoi pa iu drejtuar buxhetit të shtetit dhe as bankave”, tha Çela.

Ai u shpreh se OSHEE ka marrë borxh me garanci sovrani për të përballuar situatën në 4 muajt e fundit të vitit të kaluar.

Situata të ngjashme shtoi ai ka pasur edhe para vitit 2013, por në atë kohë i drejtohej buxhetit të shtetit me minimalisht 100 milionë euro.

Çela tha se ka pasur vetëm në 2018 dhe 2021 që ka pasur prodhim të mirë të energjisë dhe nuk është importuar me çmim të lartë.