Kreu i SPAK kërkon rishikimin e mandatit: Nëse lidhet me emrin tim, nuk rikandidoj

Kreu i Prokurorisë së Posaçme Altin Dumani raportoi në Kuvend të hënën lidhur me punën e institucionit që drejton në vitin 2024.

Altin Dumani u pyet lidhur më rrugëtimin rrugëtimit e tij si prokuror dhe nëse ka gjasa që të ketë një dorëheqje nga ky post.

Pyetje: “Në rrugëtimin tuaj si prokuror por dhe me mandatin e fundit si kreu i SPAK, a është një dorëzim përballë presioneve dhe dorëzim përballë pamundësisë për të hetuar korrupsionin dhe krimin e organizuar”?

Dumani u shpreh qartë se: “Nuk dorëzohem, iu bëj ballë sfidave. Do vazhdoj të jem prokuror i Republikës së Shqipërisë edhe pas mbarimit të mandatit.

Sqaroj sepse i kam kërkuar parlamentit të shqyrtojë mundësinë e rishikimit të mandatit të prokurorëve të posaçëm. Është aluduar se e bëj për interesin tim personal. E theksoj se nëse politika mendon se zgjatja e mandatit lidhet me emrin tim, atëherë nuk rikandidoj”, tha kreu i SPAK, Altin Dumani.