Krimi në Polici, Havari: Nuk më habit, oficerët e rinj të etur për t’u pasuruar

Ish-drejtuesi i lartë i Policisë së Shtetit, Mithat Havari, është shprehur se nuk është i befasuar nga krimi e korrupsioni në radhët e Policisë.

Komentet Havari i bëri në emisionin “Review” në Euronews Albania, ku tha se që në vitin 1992, oficerët e rinj ishin të etur për t’u pasuruar dhe e kishin mendjen vetëm për korrupsion e grabitje.

Ai tha se ky model është mbartur, nuk është goditur dhe sot është në situatën më të keqe të mundshme.

“Mua nuk më bën shumë përshtypje, sepse kanceri malinj i korrupsionit në strukturat e Policisë nuk ka filluar sot. Ka qenë izoluar në kohën e sistemit totalitar, por etja e njerëzve për t’u pasuruar ka qenë që atëherë.

Që në 92 oficerë të rinj erdhën me moton, ndoshta kam qenë i vetmi që nuk kam larguar nga detyra në kuadër reforme, punonjës policie jo njëher zero, por kam gjetur edhe oficerë sigurimi që nuk i largova, ndoshta për kohën mund t’i largoja, edhe i zëvendësuan me të rinj.

Oficerët e rinj 22-23 vjeç direkt në korrupsion, direkt në grabitje. Qysh atëherë tendeca për t’u pasuruar ka nis që në 92’. Është mbarsur dhe nuk është goditur dhe sot është në pikën më të keqe. Kohët e fundit ka marrë përmasa”, është shprehur Havari.

LEXONI GJITHASHTU:

• Erzen Breçani në gjyq: Djalin e kam këshilluar të mos merret me gjëra të paligjshme
• Breçani në dijeni të trafikut, si e këshillonte të birin të fshihte gjurmët te arma