Krishtlindje në Gjirokastër, qyetarët: Krishti i porsalindur të banojë në zemrat tona

Besimtarët e krishterë në Qarkun e Gjirokastrës janë bërë pjesë e riteve fetare të Krishtlindjeve. Në meshën e zhvilluar në katedralen ortodokse “Ngjallja e Krishtit” në qytetin e Gjirokastrës kanë marrë pjesë besimtarë të shumtë.

Mesha u drejtua nga Mitropoliti i Gjirokastrës, Nathanaili. Në këtë ditë Krishtlindje besimtarët kanë uruar  për më shumë paqe,mirësi dhe harmoni.

“Ju urojmë të gjithë të krishterëve të gjithë botës gëzuar Krishtlindjen, me paqe, dashuri dhe harmoni në familjen e tyre dhe mbarë botën. Krishti i porsalindur të banojë në zemrat e tyre, dhe t’ju dhurojë dashuri dhe gjithçka që duan në jetën e tyre”, ka uruar një djalë në këtë ditë të shenjtë.

Ndërkohë, një grua tjetër është shprehur:

“Të jenë të gëzuar dhe të lumtur”.

“Uroj të jetë një ditë e mirë për të gjithë dhe sa më shumë mbarësi, shëndet dhe lumturi në të gjitha familjet”, ka uruar një banore tjetër e Gjirokastrës.

Ritet e festës së Krishtlindjeve kanë vazhduar në familjet e besimtarëve.