Kristjan Asllani mbërrin në Stamboll, lajmi konfirmohet zyrtarisht nga Besiktas

Kristjan Asllani, ka mbërritur në Stamboll për të vazhduar negociatat dhe për t’iu nënshtruar vizitave mjekësore te Besiktas. Lajmi u bë i ditur nga klubi turk përmes një postimi zyrtar në rrjetet sociale, ku konfirmohet se transferimi i mesfushorit po ecën sipas planit.

Klubi turk njoftoi se Asllani do të kryejë kontrollet mjekësore dhe më pas do të firmosë marrëveshjen për huazimin me të drejtë blerje, duke shënuar kështu një hap të rëndësishëm në afrimin e mesfushorit shqiptar në Superligën turke.

Trajneri i Torinos kishte kërkuar ndërprerjen e huazimit të Asllanit, pasi ai nuk po merrte minuta te Interi dhe nuk po përshtatej në ekipin tjetër italian. Huazimi te Besiktas do të zgjasë deri në verë, ndërsa klubi turk ka të drejtën e blerjes së kartonit, që vlerësohet rreth 15 milionë euro.

Sipas mediave, kjo shumë konsiderohet e lartë për ekipin turk, por performanca e Asllanit mund të ndryshojë situatën dhe të bëjë të mundur blerjen e tij të plotë nga Besiktas.

Beshiktashi është ndoshta klubi i vetëm jashtë Italisë, që gjeti përgjigjen pozitive të Asllanit pas interesimit.

View this post on Instagram

A post shared by Beşiktaş JK (@besiktas)