Kritika e Agon Maliqit: BE do të shpëtojë fytyrën me marrëveshjen Kosovë-Serbi

Analisti Agon Maliqi tha në “Now me Erla Mëhillin” se përmes marrëveshjes Kosovë-Serbi, Bashkimi Europian do të shpëtojë fytyrën.

“Është sajuar një dokument i cili thjesht thotë, jemi pajtuar që do të zbatojmë ato për të cilat jemi pajtuar më herët, ndërkohë që akoma nuk dihet se për çfarë jemi pajtuar më herët, kështu që jemi kthyer në pikën 0 sa i përket marrëveshjes, megjithatë e gjithë korniza e propozimit franko gjerman është pozitive dhe sheh përfitime për të dyja palët. Është e qartë që Serbia në këtë raund e ka një mbështetje ndërkombëtare më të madhe se kemi parë ndonjëherë dhe një pjesë të përgjegjësisë për këtë e ka dhe qasja e Kosovës që e ka sjellë në këtë pikë,” – u shpreh Maliqi.

Ndërkaq, kryeministri i Kosovës, Albin Kurti, të enjten (më 23 mars) do të raportojë para deputetëve në Kuvendin e Kosovës për takimin në Ohër të Maqedonisë së Veriut.

Kjo u bë e ditur nga shefja e Grupit Parlamentar të Vetëvendosjes, Mimoza Kusari- Lila, pas përfundimit të mbledhjes së Kryesisë së Kuvendit të Kosovës.

LEXONI GJITHASHTU:

• Kurti raporton të enjten në Kuvend për takimin me Vuçiçin në Ohër
• Borrell njofton ministrat e BE-së për rezultatet e takimit Kurti-Vuçiç në Ohër