Kritikat për kreun e ri të FRPD-së, Xhaferri: I prisja komentet

Besart Xhaferri kreu i ri i FRPD-së tha në një intervistë për Euronews Albania se akuzat që lindër pas zgjedhjes së tij lidheshin fillimisht me formularët për rianëtarësimin.

“Procesi u dëmtua disi nga këto, por nuk u shtrembërua sepse këtu është diferenca e madhe që po bëhet sepse duket sikur është një proces i manipuluar,” – u shpreh Xhaferri.

Sipas tij diferenca me kandidatin e dytë është shumë e madhe dhe vota u fragmentizua pasi përballë tij kishte 5 kandidatë. Po të ishte vetëm përballë një personi, sipas Xhaferrit, gara mund të bëhej më e vështirë madje mund të humbte.

Kreu i FRPD-së tha se për gabime që u bënë nga kandidatët nuk mund të vihet në diskutim një fitore.

Ndër të tjera, ai u shpreh se i ka pritur komentet, edhe pse të gjithë kanë qenë të mirëpritur pa dallim, Alibeaj, Berisha apo Basha pasi Forumi Rinor i Partisë Demokratike është me statut më vete.

Xhaferri u shpreh se njerëzit nuk e kanë dashur kandidimin e tij, ndërsa iu përgjigj pyetjes së Sidorela Gjinit kur tha fitorja e tij ishte e pritshme për shkak të ekipit prej 100 personash që punon krah tij.

LEXONI GJITHASHTU:

• Flamur Noka u përgjigjet akuzave: Çfarë ndodhi me zgjedhjet në FRPD