Kriza politike në Austri, kush është kancelari i përkohshëm që u zgjodh

Presidenti i Austrisë, Alexander Van der Bellen, ka emëruar ministrin e Jashtëm, Alexander Schallenberg, si kryeministër në detyrë, pas dorëheqjes së kancelarit të mëparshëm, Karl Nehammer, i cili nuk arriti të formonte një koalicion pas zgjedhjeve të fundit parlamentare. Vendimi erdhi mes një periudhe trazirash politike që pasuan zgjedhjet e vjeshtës, ku Partia e Lirisë së ekstremit të djathtë (FPÖ) arriti të fitonte për herë të parë që nga periudha naziste.

Nehammer, gjithashtu nga Partia Popullore (ÖVP), njoftoi dorëheqjen e tij pasi nuk mundi të arrinte një marrëveshje koalicioni. Pavarësisht fitores historike të FPÖ, lideri i saj, Herbert Kickl, nuk ka arritur të formojë një qeveri pas refuzimit të koalicionit nga partitë e qendrës. Pas këtyre zhvillimeve, Van der Bellen i dha mandatin Kickl për formimin e një qeverie, ndërkohë që negociatat mes konservatorëve dhe FPÖ janë në zhvillim.

Schallenberg, 55 vjeç, i cili ka shërbyer si ministër i Jashtëm i Austrisë që nga viti 2019, ka refuzuar deri tani mundësinë e bashkëpunimit me FPÖ në një qeveri të udhëhequr nga ky subjekt. Ai ka mbajtur gjithashtu përkohësisht pozitat e kancelarit për një periudhë të shkurtër në vitin 2021, gjatë një tranzicioni politik në vend.

LEXONI GJITHASHTU:

• Dorëhiqet kancelari austriak Nehammer, dështojnë bisedimet për koalicionin
• Partia e ekstremit të djathtë mandatohet për ta formuar qeverinë e re në Austri