Kroacia, Bullgaria dhe Rumania ‘gati’ për t’u bashkuar me Shengenin

Kroacia, Bullgaria dhe Rumania janë “gati” për t’u bashkuar me Zonën Shengen pa pasaporta pasi të kenë përmbushur të gjitha kriteret e nevojshme, tha Komisioni Evropian, raporton Euronews.

Një Shegen i zgjeruar do ta bëjë Evropën “më të sigurt, më të begatë dhe më tërheqëse”, tha ekzekutivi të mërkurën, duke u bërë thirrje vendeve anëtare të pranojnë tre kandidatët.

Miratimi kategorik vjen në prag të një takimi të lartë të ministrave të brendshëm në dhjetor, ku çështja e pranimit në Shengen është vendosur të kthehet në tryezë.

Anëtarësimi në Shengen kërkon ndër të tjera zbatimin e rregullave të përbashkëta, menaxhimin e duhur të kufijve të jashtëm, shkëmbimin e informacionit të sigurisë dhe bashkëpunim efikas policor.

Kërkohet një votim unanim për pranimin e anëtarëve të rinj.

Kroacia, Bullgaria dhe Rumania kanë pritur prej vitesh për t’iu bashkuar zonës pa pasaporta, e cila aktualisht përfshin 26 vende, duke përfshirë 22 vende të BE-së dhe pothuajse 420 milionë qytetarë.

LEXONI GJITHASHTU:

• Bislimi hedh poshtë zërat: S’kam takuar Petkoviç, asnjë marrëveshje për targat
• Ish-ambasadori: Asosacioni duhet të zbatohet duke respektuar Kushtetutën e Kosovës
• “Të nxjerr jashtë”, debate për portin e Durrësit në Komision