Bislimi hedh poshtë zërat: S’kam takuar Petkoviç, asnjë marrëveshje për targat

“Ka elemente që kemi diskutuar për mundësinë e daljes nga kriza, por nuk ka dakordim”, ka thënë ai, pas takimit të djeshëm dje në Bruksel me të dërguarin e Bashkimit Evropian për dialogun Kosovë-Serbi, Miroslav Lajcak.

Bislimi i ka quajtur të pavërteta raportimet se atje e ka takuar Petar Petkoviçin, raportojnë mediat vendase.

“Takimi në Bruksel ka qenë vetëm me zotin Lajçak, çdo raportues që ka raportuar për zhvillimet në Bruksel ka dezinformuar, sepse nuk jam dëgjuar me asnjë prej gazetarëve. Asgjë që është thënë në media nuk përkon me të vërtetën. Petkoviçi nuk ka qenë fare në Bruksel”, është shprehur Bislimi.

LEXONI GJITHASHTU:

• Ish-ambasadori: Asosacioni duhet të zbatohet duke respektuar Kushtetutën e Kosovës
• Lushi: Vendimi i Kurtit për targat nuk cënon marrëdhëniet e Kosovës me SHBA-të
• Osmani takon Hovenier dhe përfaqësues të ambasadave të SHBA-së në rajon