Osmani takon Hovenier dhe përfaqësues të ambasadave të SHBA-së në rajon

Presidentja e Republikës së Kosovës, Vjosa Osmani, ka pritur në takim pune ambasadorin amerikan në Kosovë, Jeffrey Hovenier dhe përfaqësues të ambasadave të Shteteve të Bashkuara në vendet e rajonit.

Në fokus të takimit  sipas mediave të Kosovës ishte partneriteti me Shtetet e Bashkuara, rëndësia e forcimit të bashkëpunimit ekonomik dhe në fushën e energjisë, bashkëpunimi rajonal, si dhe zhvillimet e fundit në vend, rajon dhe më gjerë.

Në lidhje me zhvillimet e fundit, Presidentja Osmani ka theksuar se institucionet tona mbeten plotësisht të angazhuara për të kontribuar në mënyrë aktive për paqe dhe siguri të qëndrueshme në vend dhe rajon, në bashkëpunim dhe koordinim me partnerët tanë ndërkombëtar.

Presidentja ka nënvizuar gjithashtu përkushtimin e institucioneve të Republikës për partneritetin e palëkundur me Shtetet e Bashkuara, aleaten kryesore të vendit dhe popullit tonë.

Në takim u diskutua edhe për forcimin e bashkëpunimit rajonal.

LEXONI GJITHASHTU: 

• ‘Shmangni tensionet në Mesdhe’, mesazhi i Macron për Erdogan
• Lumir Abdixhiku: Jemi të shqetësuar me degradimin e raporteve Kosovë-SHBA
• ‘T’i jepet fund konfliktit’, aleatët tradicionalë braktisin Moskën