‘T’i jepet fund konfliktit’, aleatët tradicionalë braktisin Moskën

Vladimir Putin nuk ishte i pranishëm në samitin e G20-s, por thuajse të gjithë në Bali panë hijen e tij prapa shumë sëmundjeve që kanë pllakosur ekonominë globale, si pasiguria ushqimore, ajo energjetike dhe inflacioni në rritje.

Aleatë tradicionalë të Rusisë, si Kina dhe India, po distancohen gradualisht nga Kremlini dhe kanë lejuar hartimin e një drafti të ashpër të deklaratës finale të samitit të G20-s, e cila kritikon luftën e nisur nga Rusia. Presidenti indonezian, në cilësinë e kreut të shtetit pritës, shprehu ndjesinë e përgjithshme.

“Të jesh i përgjegjëshëm do të thotë se lufta duhet të mbarojë. Nëse nuk mbaron, bota do ta ketë të vështirë të ecë përpara”, u shpreh Joko Widodo.

Në vështirësi për një qëndrim të balancuar, Pekini mbrojti integritetin territorial të Ukrainës pa dënuar pushtimin rus. Por presidenti Si Xhinping në fjalimin e tij kritikoi homologun rus për kthimin e ushqimit dhe energjisë në armë.

Edhe kryeministri indian, Narendra Modi, që disa javë më parë i tha personalisht Putin se nuk ishte koha për luftë, përsëriti apelin për armëpushim dhe diplomaci. Pasi parakaluan në korridor së bashku me presidentin Joe Biden, liderët u panë së bashku duke bërë shenjën e paqes.

LEXONI GJITHASHTU

• Dokumenti/ Putin kërkon të pushtojë Evropën, ushtria gjermane në “këmbë”
• SHBA akuza Rusisë: Komplot për pushtimin e Ukrainës
• Lufta në Ukrainë, vriten 7 civilë në qytetin Bakhmut