Lumir Abdixhiku: Jemi të shqetësuar me degradimin e raporteve Kosovë-SHBA

Kryetari i Lidhjes Demokratike të Kosovës, Lumir Abdixhiku, ka sot zhvilluar takime të rëndësishme në Departamentin e Shtetit në SHBA, shoqëruar nga një delegacion.

Ditën e parë të vizitës në SHBA, Abdixhiku e filloi në Departamentin Amerikan të Shtetit, ku u prit nga Gabriel Escobar, Zëvendësndihmës Sekretari i Shtetit dhe i Dërguari i Posaçëm i SHBA-ve për Ballkanin Perëndimor.

Andixhiku i prezantoi Escobarit pikëpamjet e LDK mbi gjendjen e fundit të sigurisë në Kosovë, si dhe nevojën e koordinimit të ngushtë të institucioneve të Kosovës me SHBA-të dhe me partnerët e tjerë. Koordinimi i tillë është garanci për të kapërcyer të gjitha sfidat.

“Për shtetin tonë të ri, aleanca me SHBA-të është jetike. Kështu ka qenë tash e më shumë se tri dekada. Aleanca dhe bashkëpunimi i ngushtë me SHBA-të dhe me partnerët evropianë, Kosovës ia kanë sjellë lirinë dhe pavarësinë. Populli i Kosovës është përjetë mirënjohës për gjithë angazhimin e partnerëve tanë.

Edhe një herë, u bëj thirrje institucioneve të vendit që të bashkëpunojnë ngushtë me SHBA-të dhe partnerët e tjerë, në funksion të shtrirjes së sundimit të ligjit në të gjithë territorin e Kosovës, të sigurisë dhe të prosperitetit për të gjithë”, deklaroi Abdixhiku.

LEXONI GJITHASHTU

• Zbardhet biseda në Bruksel mes Miroslav Lajçakut dhe Besnik Bislimit
• Kurti: Marrëveshja përfundimare me Serbinë do të arrihet në dy vitet e ardhshme

• Lajçak takon zv.kryeministrin e Kosovës: Të gjejmë një zgjidhje urgjente për targat