Zbardhet biseda në Bruksel mes Miroslav Lajçakut dhe Besnik Bislimit

Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, zhvilloi takime dypalëshe në Bruksel me Përfaqësuesin e Posaçëm të Bashkimit Evropian për dialogun Kosovë-Serbi, Miroslav Lajçak.

Në këtë takim, u diskutua mbi rrugën përpara në procesin e dialogut, ku Bislimi theksoi rëndësinë e fokusimit të bisedimeve në normalizimin e plotë të marrëdhënieve ndërmjet Kosovës dhe Serbisë.

Ai është shrprehur se nuk duhet të ketë shpërqendrime të qëllimshme nga bisedimet për normalizimin e plotë nga veprime që synojnë përshkallëzimin në terren.

Ndër të tjera, Bislimi përsëriti interesimin e Kosovës për të vazhduar me takime të rregullta në Bruksel, për elementet e normalizimit të plotë të marrëdhënieve, me njohjen reciproke në qendër.

Palët diskutuan gjithashtu dhe opsionet për konvertimin e suksesshëm të të gjitha targave ilegale, në ato legale.

Lajçak u shpreh se është urgjente të gjendet një zgjidhje për këtë çështje.

LEXONI GJITHASHTU

• Kurti: Marrëveshja përfundimare me Serbinë do të arrihet në dy vitet e ardhshme

• Lajçak takon zv.kryeministrin e Kosovës: Të gjejmë një zgjidhje urgjente për targat

• Haliti: Kurti të tërhiqet për targat, nuk duam konflikt me Serbinë