Kroacia shton trupat në Kosovë, ushtarët mbërrijnë në Gjakovë

Kroacia ka shtuar trupat e saj në Kosovë, në kuadër të Natos. Zëvendëskryeministri dhe ministri i Mbrojtjes së Kroacisë, Ivan Anushiç, mori pjesë në dërgimin ceremonial të kontingjentit prej 40 ushtarëve kroatë që iu bashkuan misionit të KFOR-it në Kosovë.

Ceremonia e ardhjes së tyre u mbajt në kazermën e Brigadës së III Gardiste “Kune” në Gjakovë.

Anushiç tha se kjo ceremoni i zgjon kujtimet e ditëve të kaluara në ushtrinë kroate.

“Unë jam krenar për atë periudhë, ashtu siç jam krenar që jam sot para jush si zëvendëskryeministër dhe ministër i Mbrojtjes”, tha ai.

Kujtojmë se në total 1000 trupa janë shtuar nga NATO. Mbretëria e Bashkuar ka dislokuar rreth 200 ushtarë për t’iu bashkuar kontingjentit britanik prej 400 trupash ndërsa kontigjentet e tyre i kanë shtuar në Kosovë edhe  Rumania  e Sllovenia Qeveria e Maqedonisë së Veriut.

Forcat e Armatosura të Republikës së Kroacisë kanë marrë pjesë në operacionin për mbështetjen e paqes të KFOR-it në Republikën e Kosovës që nga 16 qershori 2009, bazuar në vendimin e Kuvendit të Kroacisë nga korriku 2008

Për vitin 2023 dhe 2024, është miratuar pjesëmarrja e deri në 160 pjesëtarëve të Forcave të Armatosura të Republikës së Kroacisë me deri në dy helikopterë.