Kryebashkiaku i Kuçovës paraqitet në SPAK

Kryebashkiaku i Kuçovës, Kreshnik Hajdari është paraqitur mëngjesin e së hënës në ambientet e Prokurorisë së Posaçme.

Kjo është hera e dytë që Hajdari paraqitet në SPAK pas hetimeve që kanë nisur ndaj tij për falsifikim të formularit të dekriminalizimit.

Komisioni Qendror i Zgjedhjeve vendosi të mos i ndërpriste mandatin kryetarit të Bashkisë së Kuçovës, edhe pse prokuroria zbuloi se ai kishte fshehur në formularin e dekriminalizimit një dënim për kalim të paligjshëm të kufirit në Greqi.

“Edhe po ta deklaronte nuk do të kishte asnjë konseguencë”, tha shkurtimisht Çollaku për gazetarët.

Ishte koalicioni ‘Bashkë Fitojmë’ që kërkoi verifikimin e pastërtisë së figurës për Kreshnik Hajdarin nga Komisioni Qendror i Zgjedhjeve, pasi ky i fundit nuk kishte deklaruar një dënim të formës së prerë nga Gjykata e Janinës për kalim të paligjshëm të kufirit në vitin 1999. Për këtë cështje, drejtësia shqiptare iu drejtua asaj greke, ku konfirmoi se Hajdari rezultonte i dënuar. Pas Qerim Ismailajt të Mallakastrës, ky është rasti i dytë që KQZ vendosë për vijimin e mandatit.

LEXONI GJITHASHTU:

• Del nga SPAK kryebashkiaku i Kuçovës, “kyç gojën”; për mediat. Çfarë deklaroi avokati
• KQZ vendosi të mos i ndërpresë mandatin, kryebashkiaku i Kuçovës paraqitet në SPAK