Kryemadhi në Shkodër: LSI synon të rikthejë shpresën te shqiptarët dhe të ndalë shpopullimin

Kryetarja e Lëvizjes Socialiste për Integrim ishte sot në qytetin veriperëndimor të Shkodrës ku prezantoi kandidatët e LSI-së për këtë qark.

Kryemadhi u shpreh se lista e kësaj partie për Shkodrën synon jo vetëm të marrë mandate përfaqësimi, por të riktheje shpresën.

“Jam e bindur se LSI në qarkun e Shkodrës do jetë një strukturë që nuk do të ketë thjesht qëllimin e votës në kuti, por ka qëllimin për ta ndryshuar këtë realitet dhe për të kthyer ekonominë, punësimin, zhvillimin, kulturën, artin,” – u shpreh Kryemadhi.

Më tej kryetarja e LSI-së ironizoi se “është fat që Shkodra nuk ka një kryetar bashkie të ‘Rilindjes’, pasi edhe teatrin Migjeni do ta kishin prishur”. Për këtë pjesë ajo paralelizoi me akuza me kryetarin e Bashkisë Tiranë, Erion Veliaj.