Ukraina rrezikon ‘të shembet’ nën sulmin e Rusisë pa mbështetjen e SHBA-së, u ka thënë kryeministri japonez ligjvënësve amerikanë.

Sipas mediave të huaja, në fjalimin e parë në një takim të përbashkët të Kongresit nga një udhëheqës japonez në nëntë vjet, Fumio Kishida u kërkoi amerikanëve të mos dyshonin në rolin “të domosdoshëm” të vendit në çështjet botërore dhe tha se Tokio po ndërmerrte përmirësime historike ushtarake për të mbështetur aleatin e saj.

“Dua t’u drejtohem atyre amerikanëve që ndjejnë vetminë dhe rraskapitjen e të qenit vendi që ka mbështetur rendin ndërkombëtar,” tha Kishida.

“Udhëheqja e SHBA-së është e domosdoshme. Pa mbështetjen e SHBA-së, sa kohë më parë shpresat e Ukrainës do të shembeshin nën sulmin e Moskës?”, tha ai.

“Pa praninë e SHBA-së, sa kohë përpara Indo-Paqësori do të përballej me realitete edhe më të ashpra?”, tha më tej ai.

Komentet e zotit Kishida vijnë mes ndarjeve të thella në politikën amerikane mbi rolin e vendit ndërkombëtarisht në një vit zgjedhjesh presidenciale.

Kërkesa e Joe Biden për 60 miliardë dollarë ndihmë për Ukrainën, e cila kaloi në senatin e udhëhequr nga demokratët me 70% mbështetje në shkurt, është ngecur në Dhomën e kontrolluar nga republikanët, pasi kryetari Mike Johnson ka refuzuar të lejojë një votim.

LEXONI GJITHASHTU:

• Rusia akuzon forcat speciale britanike se po operojnë në Ukrainë
• Zvicra do të organizojë konferencë ndërkombëtare për paqe në Ukrainë