Policia Kufitare në Qafë Botë, në bashkëpunim me shërbimet e FRONTEX, arrestuan një 31-vjeçar të huaj që po shoqëronte një grup emigrantësh, me qëllim kalimin e paligjshëm të kufirit drejt Greqisë, kundrejt pagesës.

“Gjatë këtyre kontrolleve, mbrëmjen e djeshme, në zonën e Kataetos, u konstatua një shtetas i huaj që po shoqëronte një grup prej 7 emigrantësh të paligjshëm, me qëllim kalimin e tyre të paligjshëm në territorin grek. Në vijim të veprimeve procedurale, u bë arrestimi në flagrancë, për veprën penale “Dhënia e ndihmës për kalim të paligjshëm të kufijve shtetërorë”, i shtetasit F. K., 31 vjeç, banues në Mbretërinë e Bashkuar”, bëri me dije policia..

Nga hetimet paraprake rezultoi se ky shtetas kishte ndërmarrë shoqërimin e personave të mësipërm drejt kufirit, kundrejt pagesës, me qëllim kalimin e tyre të paligjshëm në Greqi.

LEXONI GJITHASHTU:

• Kurti i gatshëm të diskutojë me Mbretërinë e Bashkuar për qendrat për emigrantë
• Planifikuan sulme ndaj emigrantëve, Gjermania godet organizatën terroriste